29.05.2023 Скопје
Граѓаните кои ги добиваат сметките за струја во хартиена форма, се жалат дека за неколку месеци наназад сметките ги примиле со големо задоцнување, и потоа морале наеднаш да ги платат сите сметки, за да не им се пресметува камата.
Проблемот со доцнењето на сметките, пратките, судските доставници, трае веќе подолг период, и за жал нема никакво подобрување од страна на Пошта. Овој проблем особено ги засега постарите граѓани, кои немаат знаење да работат на компјутер и така да ги регулираат комуналните трошоци.
Од ЕВН вината за доцнење на сметките ја префрлаат врз доставата од Пошта, а исто така како одговор на реакциите на граѓаните дека во март и април добиле повисоки сметки, компанијата посочи дека цените за електрична енергија ги одредува РКЕ, а последната датира од 1 јануари годинава.
Подготвено од М.Н.
About Author
