26.05.2023 Скопје
Германската економија благо се намали во првиот квартал од 2023 година во споредба со претходните три месеци, со што влезе во техничка рецесија.
Прелиминарната проценка покажа дека бруто домашниот производ (БПД) стагнира со нулта раст во првиот квартал, што значи дека Германија за влакно ќе ја избегне рецесијата.
Податоците на Федералниот завод за статистика покажуваат дека БДП се намали за 0,3% за кварталот при приспособување на ценовните и сезонските ефекти.
„Откако растот на БДП влезе во негативна територија на крајот на 2022 година, германската економија сега забележа два последователни негативни квартали“, рече претседателката на Дестатис, Рут Бранд.
Податоците од јануари до март следат пад од 0,5% во четвртиот квартал од 2022 година. Рецесијата вообичаено се дефинира како два последователни квартали на контракција.
Инфлацијата продолжи да го прави својот данок врз германската економија во текот на кварталот, соопшти канцеларијата. Ова се одрази на потрошувачката на домаќинствата, која беше намалена за 1,2% на квартално ниво по ценовните и сезонските приспособувања.
Приватните домаќинства потрошиле помалку за храна, пијалоци, облека, обувки и мебел отколку во претходниот квартал.
Тие, исто така, купија помалку нови автомобили, веројатно поради прекинот на владините субвенции на крајот на 2022 година.
Има зрак светлина кога станува збор за инвестициите, кои беа зголемени во првите три месеци од годината по слабата втора половина од 2022 година.
Во голема мера зависна од рускиот увоз на енергија, Германија остана особено изложена по руската инвазија на Украина во февруари 2022 година.
Благата зима во Германија значеше дека најлошите сценарија – како што е недостигот на гас, кој би ја опустошил економијата – не се случија.
Последната рецесија во Германија дојде кога пандемијата Ковид-19 на почетокот на 2020 година ги поттикна владите ефективно да затворат цели сектори на економијата.
Потрошувачите забележаа дека високата инфлација ја намалува нивната куповна моќ, намалувајќи ја побарувачката во економијата. Иако трендот на пораст на цените неодамна се намали, сепак годишната стапка на инфлација од 7,2% во април беше релативно висока.
Подготвено од А.Ѓ.
About Author
