04.05.2023 Скопје
Претседателот на Република Српска, Милорад Додик, денеска во Бања Лука изјави дека полицијата ќе ја зголеми безбедноста во училиштата и дека сите згради ќе имаат огради за да се зголеми безбедноста.
Додик смета дека неолибералните вредности се лесно прифатени и дека условувањето на европските и другите институции го довело образовниот систем до ситуација да не ги одразува потребите на општеството.
„Уште еднаш, во име на Српска и во мое лично име, изразувам голема тага и неверување поради трагедијата во основното училиште во Белград. Затоа беше потребно да се анализира ситуацијата во Српска, а ќе биде забрането да се користат мобилни телефони во училиштата за време на наставата“, изјави Додик за новинарите по вонредната седница на Владата на Република Српска.
Тој посочи дека воспитувањето дете не е само работа на училиштето и дека е потребно да се бара единство на училиштето, родителите и институциите, а приматот треба да го имаат воспитно-образовните работници.
Подготвено од А.Ѓ.
About Author
