08.05.2023 Скопје
Министерството за финансии на Црна Гора соопшти дека во првите четири месеци се вратени 82,92 милиони евра кредити.
Исплатени се 51,66 милиони евра главнина и 31,26 милиони евра камата.
Министерството за финансии редовно ги подмирува сите обврски врз основа на склучени кредитни аранжмани, без одлагање, а во моментов нема околности што би предизвикале проблеми при отплата на обврските, се вели во соопштението.
Оттаму додаваат дека отплатата на долгот по склучени кредитни аранжмани годинава е планирана на ниво од 338 милиони евра по главнина и 109,7 милиони евра камата.
Министерството наведува дека должничкото портфолио на Црна Гора опфаќа околу 160 кредити, а најголемо учество во отплатата годинава има обврските кон кинеската Ексим банка по основ на заемот за автопатот, кој врз основа на главницата изнесува 65,57 милиони долари и 16 ,29 милиони долари камата.
Отплатата е полугодишна и една рата е подмирена во јануари, а до крајот на годината останале да се отплатат 32,78 милиони долари по главнина и 7,91 милиони долари камата, прецизираат од Министерството за финансии на Црна Гора.
Подготвено од А.Ѓ.
About Author
