25.05.2023 Скопје
Реформската агенда на Србија, партнерството на земјата со ОБСЕ и помошта што и ја дава Мисијата на ОБСЕ во Србија за реализирање на овие процеси ќе бидат главните теми на дводневната посета на претседавачот со ОБСЕ и министер за надворешни работи на Република Северна Македонија, Бујар Османи на Белград.
Османи денес во Белград ќе има средби со претседателот на Србија, Александар Вучиќ, премиерката Ана Брнабиќ, а со неговиот домаќин, Ивица Дачиќ, прв вицепремиер за надворешна политика и безбедност и министер за надворешни работи, ќе одржат и заедничка прес-конференција, соопштија од МНР.
Во соопштението од МНР е наведено дека Османи ќе има средби и со претседателот на Националното собрание на Србија, Владимир Орлиќ и парламентарната делегација на Србија во Парламентарното собрание на ОБСЕ, како и со граѓански организации кои работат на партнерски проекти со Мисијата на ОБСЕ во Србија.
Подготвено од М.Н.
About Author
