05.05.2023 Скопје
Највисокиот американски регулатор за приватност на податоците ја обвини Мета, фирмата која ги поседува Фејсбук и Инстаграм, дека ги довел родителите во заблуда за родителските контроли.
Федералната трговска комисија исто така рече дека на Мета треба да му се забрани да заработува пари од податоците за децата.
„Непромисленоста на компанијата ги стави на ризик младите корисници, а Фејсбук треба да одговара за своите неуспеси“, се вели во извештајот.
Мета возврати, нарекувајќи го потегот на регулаторот „политички трик“ и обвинувајќи го за пречекорување на своите овластувања.
ФТЦ соопшти дека независната истрага открила „неколку празнини и слабости во програмата за приватност на Фејсбук“ кои претставуваат „значителен ризик за јавноста“.
Утврдено е дека на корисниците на возраст под 13 години им е дозволено да се вклучат во разговори со контакти кои не се проверени од родителите.
Регулаторот, исто така, рече дека Мета продолжи да им дава на апликациите на трети страни пристап до приватни информации, откако вети дека ќе го прекине пристапот доколку корисниците не ги користат апликациите во претходните 90 дена.
Ограничувања на идните употреби на технологијата за препознавање лице. Од Мета ќе се бара да открие и да добие потврдна согласност од корисниците за секоја идна употреба на технологијата за препознавање лице.
Како одговор, портпаролот на Мета, Енди Стоун, рече дека потегот е „политички трик“.
Тој рече дека Мета се издвојува „додека им дозволува на кинеските компании, како ТикТок, да работат без ограничувања на американско тло“.
Тој, исто така, ја обвини Лина Кан, која претседава со ФТЦ, за антагонизирање на американскиот бизнис.
Случајот на ФТЦ започна во 2018 година, откако беше откриено дека личните податоци на десетици милиони корисници на Facebook биле земени од Cambridge Analytica.
Регулаторот сакаше да заузда некои од овластувањата што ги поседува Big Tech. Сепак, компаниите како Мета веруваат дека се третирани неправедно.
„И покрај тригодишниот постојан ангажман со ФТЦ околу нашиот договор, тие не дадоа можност да разговараат за оваа нова, тотално невидена теорија“, рече Стоун.
ФТЦ, сепак, верува дека Мета „постојано ги прекршила своите ветувања за приватност“ и сака построга акција за заштита на помладите корисници.
Подготвено од А.Ѓ.
About Author
