17.05.2023 Скопје
По повеќе од една недела континуирани врнежи од дожд, силниот дожд што го зафати источниот дел на Словенија предизвика десетици одрони, од кои голем дел претставуваат опасност за домовите и инфраструктурата.
Најлоша е ситуацијата околу градот Сентиље на североисток, каде војската доаѓа да им помогне на локалните спасувачи.
Поради речиси 70 предизвикани свлечишта, на терен има 47 противпожарни единици, поточно во градовите Птуј, Марибор, Целје, Мурска Собота и Ново Место.
Само во Шентиље, 12 домови се изложени на опасност од лизгање на земјиштето, од кои многу се тешко достапни поради оштетените патишта, а локалните единици на Цивилната заштита го очекуваат пристигнувањето на армијата.
Армијата ќе им помага на војниците „секаде каде што се оштетени патишта, но пред се каде се загрозени куќите“.
Се додава дека во Шентиље утринава се уште врнело дожд, но дека денеска се очекува дождот да престане.
Утре ќе биде облачно, но претежно суво, а локални врнежи се предвидуваат за петок попладне и сабота.
Подготвено од А.Ѓ.
About Author
