22.05.2023 Скопје
Доколку случајно во последен момент сфатите дека ви снемало детергент за перење, не паничете. Решението е точно пред вашиот нос.
– Мешавина од сода бикарбона и оцет
Ова соединение често се препорачува за чистење и миење на многу површини во домаќинството, и тоа не без причина.
Мешавина од сода бикарбона и алкохолен оцет е многу ефикасна и значително побезбедна алтернатива на тешките хемикалии за одржување на хигиената.
Потребно е само да налеете половина шолја сода бикарбона пред миење, а потоа кога ќе го започнете циклусот на плакнење, истурете половина шолја оцет, кој исто така ви дава природен омекнувач.
– Мешавина од сода бикарбона и сок од лимон
Ако немате алкохолен оцет, но имате лимон во куќата – нема проблем.
Направете го истото со сок од лимон како и во претходниот случај, со тоа што прво можете да намачкате малку лимон на тврдоглави дамки за уште подобар резултат и потемелно миење.
– Течност за миење садови
Детергентите за садови може да се користат за перење алишта за кои не е потребна посебна грижа, како обоена облека.
За да избегнете премногу пена и меурчиња во машината, истурете детергент измешан со малку вода во шише со распрскувач и испрскајте ги алиштата во барабанот. Не ви треба ниту голема количина – доволно е помалку од капаче.
За да бидете сигурни дека добро ќе се исплакне, истурете оцет пред циклусот на плакнење.
– Шампон
Исто како и течностите за миење садови, шампонот е ефикасен при миење шарени алишта, но исто така важно е да се внимава на фактот дека премногу се пени.
Затоа, истурете многу мала количина и задолжително додадете алкохолен оцет како природен омекнувач и дополнителна помош при плакнење.
Подготвено од А.Ѓ.
About Author
