06.04.2023 Скопје
Анализата за потрошувачката на шеќер по земји во Европа што ја објави веб-страницата „Landgeist“ базирана на податоци од Организацијата за храна и земјоделство на ОН (ФАО), покажа дека граѓаните на Република Северна Македонија јадат најмногу благо во регионот, а се позиционирани високо и на европската листа.
Податоците на „Landgeist“ не вклучуваат само суров шеќер, туку и количините во производите што содржат шеќер.
Македонците годишно консумираат по 36,7 килограми шеќер, Хрватите се втори со 33,8, пред Грците со 31,6, Бугарите, 27,5, Србите 22,4 и Црногорците со 21,2 килограми. Најмали љубители на слатко се Словенците со 19,4 и жителите на Босна и Херцеговина со 18,3 килограми.
Во Европа најмногу шеќер јадат Белгијците 48,3 и Полјаците 45,7 килограми, а најмалку се консумира во Луксембург, само 10,8 килограми.
Подготвено од М.Н.
About Author
