18.04.2023 Скопје
Опсерваторијата за соларна динамика (SDO) на НАСА го сними она што е потенцијално „највисокото торнадо“ во Сончевиот систем што се врти над северниот пол на Сонцето.
Сончевото торнадо продолжи да расте во сончевата атмосфера три дена минатата недела, достигнувајќи височина од околу 120.000 километри, или 14 планета Земја, пред да се урне во облак од магнетизиран гас. Колапсот на сончевото торнадо исфрли материјал од сончевата атмосфера во околниот простор што нема да влијае на нашата планета.
Многу аматери астрономи ги насочија своите телескопи кон северниот пол на Сонцето откако дознаа за чудниот феномен.
Магнетната структура што го предизвика ова торнадо е всушност многу поголема од она што го гледаме.
„Тоа е поларна коронална нишка (PCF). Филаментот е огромна, извиткана магнетна структура над површината на Сонцето која може да остане таму со месеци“, изјави физичарот Метју Овенс од Универзитетот во Ридинг во Велика Британија.
Имено, Сонцето е огромна топка од запален гас и плазма која се состои од врели, наелектризирани честички. Кога овие честички се движат околу Сонцето, тие создаваат магнетни полиња кои излегуваат низ површината на Сонцето во форма на филаменти (проминенции).
За разлика од факелите кои се „фрлаат“ во вселената, филаментите се „закотвени“ за Сонцето, односно не се одвојуваат од него. Сончевото торнадо е уште еден пример за „сврзното ткиво“ што го врзува невидливото магнетно поле со Сонцето.
Ако феноменот беше свртен во правец на Земјата, веројатно повторно ќе гледавме прекрасни поларни половини или пак ќе снимивме некои пореметувања во електричните мрежи.
Подготвено од А.Ѓ.
About Author
