19.04.2023 Скопје
САД продолжуваат да го губат својот углед, цел свет ја мрази Америка, а Европа е само американски пион, изјави турскиот министер за внатрешни работи Сулејман Сојлу на средбата со турската младина во Истанбул, додавајќи дека Западот повеќе нема суверенитет.
„Не постои нешто како Европа. Не ја величајте Европа во вашите глави. Таму е Америка, а Европа е воз во американскиот конвој. Нема ништо посебно во тоа“, рече Сојлу.
Според министерот, европските лидери постојано се дискредитираат, а населението старее.
„Европејците имаат потешкотии во економијата и ќе продолжат да ги имаат“, рече Сојлу.
Турскиот министер рече дека „Америка продолжува да го губи угледот и целиот свет ја мрази“. Тој додаде дека Европа е „американски пион во Африка, а сите африкански земји ги мразат земјите што ги експлоатираат и се враќаат на нивните локални јазици“.
Сојлу изјави дека „Западот повеќе нема суверенитет“.
„Тие веќе немаат таков суверенитет, но се обидуваат да ги зачуваат своите навики. Турција ја менува историјата. Изборите ќе бидат оние избори на кои историјата целосно ќе се смени. Тоа е причината поради која Америка врши притисок, но и Европа“, рече турскиот министер.
По терористичкиот напад во Истанбул минатата година, Сојлу рече дека Анкара не го прифаќа сочувството на Вашингтон. Подоцна, турскиот министер за внатрешни работи ги повика САД „да ги држат своите валкани раце“ од неговата земја.
Претседателските и парламентарните избори во Турција се закажани за 14 мај.
Подготвено од А.Ѓ.
About Author
