08.04.2023 Скопје
Сè повеќе земји ширум светот воведуваат целосни или делумни забрани за TikTok во јавниот сектор поради зголемени грижи за националната безбедност. Повеќето од забраните што беа наметнати се ограничени на уредите во јавниот сектор или државата, но се поголем број приватни компании еднострано ја блокираат апликацијата бидејќи американската влада размислува за целосна забрана доколку кинеските сопственици на TikTok не продадат американска верзија на апликацијата.
Обединетото Кралство и Нов Зеланд минатата недела објавија мерки за блокирање на TikTok од државните уреди, што дополнително ги зголеми тензиите меѓу сопствениците на апликацијата и западниот свет.
Во САД, Белата куќа минатиот месец им даде на федералните агенции 30 дена да го отстранат TikTok од сите телефони и системи. Одделот за правда и ФБИ во моментов ја истражуваат социјалната мрежа за следење на новинари преку апликацијата.
За подобро да го илустрира тоа, „Axios“ објави табела на која е прикажана мапа на светот со земјите кои решиле да ја забранат апликацијата во сопственост на кинеската компанија „ByteDance“.
Според графиконот, земјите кои воведоа делумна забрана, што значи дека апликацијата нема да биде дозволена на официјалните телефони на јавните службеници, се: САД, Канада, Нов Зеланд, Тајван, Финска, Шведска, Франција, Австрија, Шпанија, Португалија, Холандија, Белгија, Литванија, Латвија, Естонија, Германија, Велика Британија, Чешка, Полска, Романија, Бугарија, Словенија, Италија, Словачка, Хрватска, Унгарија, Данска и Грција. Во овој случај, овие горенаведени земји ќе го забранат TikTok на владините уреди, но истото не важи и за приватните телефони. Земјите кои целосно го забранија TikTok вклучуваат Индија, Авганистан и Индонезија. Во меѓувреме, Пакистан и Бангладеш воведоа привремена забрана.
Меѓу пионерите на забраната е Индија. Имено, оваа земја ја забрани употребата на апликацијата пред три години и на десетици други кинески, меѓу кои и апликацијата за пораки WeChat, поради загриженост за приватноста и безбедноста.
Забраната дојде набргу по судирот меѓу индиските и кинеските војници на спорната граница на Хималаите во кој загинаа 20 индиски војници, а десетици беа повредени.
Минатата година, Тајван ја забрани јавната употреба на TikTok откако ФБИ предупреди дека апликацијата претставува ризик за националната безбедност.
Пакистанските власти привремено го забранија TikTok најмалку четири пати од октомври 2020 година, наведувајќи загриженост дека апликацијата промовира неморална содржина. Раководството на талибанците во Авганистан ги забрани TikTok и играта PUBG во 2022 година со образложение дека ги штити младите од „заблуда“.
Приватните компании и мрежи исто така почнуваат да донесуваат одлуки. Некои американски колеџи исто така го забрануваат TikTok на нивните локални интернет мрежи. Би-Би-Си, британски медиум, исто така го советуваше персоналот да го избрише ТикТок, а данската јавна телевизија донесе слична одлука. Неколку американски колеџи исто така го забрануваат TikTok од нивните локални интернет мрежи, наведувајќи безбедносни причини.
Во последните денови им порача на вработените да го избришат TikTok од своите уреди, освен ако не им е потребен за „уреднички и маркетинг цели“.
Главниот извршен директор на TikTok, Шо Зи Чу, тврди дека продажбата на американска компанија нема да одговори на грижите за националната безбедност и наместо тоа ги посочува мерките за приватност на податоците што ги преземаат како подобро решение. Но, пратениците остануваат скептични.
TikTok го промени бизнис моделот на социјалните мрежи
Без разлика дали ќе биде забранета или не, апликацијата ги охрабри конкурентите да ги променат своите бизнис модели и ги принуди да усвојат помалку профитабилен модел на рекламирање.
Додека многумина најавуваат крај на TikTok, а извршниот директор Шо Зи Чу се бори со американскиот Конгрес, мрежата има повеќе од милијарда активни корисници според најновите податоци од март. Повеќе од сто милиони корисници на TikTok во САД се загрижени дека владата се подготвува да ја забрани кинеската платформа поради безбедносни стравови. Но, нивната вознемиреност е во контраст со ентузијазмот во Силиконската долина, каде домашните американски компании би биле среќни да се ослободат од популарниот конкурент. Со секој негативен коментар и негодување од Капитол, растат цените на акциите на Мета, Пинтерест и Снепчет.
Судбината на „ТикТок“ виси на конец, но јасно е дека засекогаш ги промени социјалните мрежи и им го отежнува работењето на постарите апликации. За помалку од шест години, тој го одвикна светот од „старомодните“ социјални апликации и ги закачи корисниците на алгоритамски кратки видеа. Ова значи дека апликацијата ги препознава преференциите на корисникот и суштински „се однесува“ со нив, за возврат уживајќи во зголемувањето на бројот на лојални корисници.
Подготвено од А.Ѓ.
About Author
