12.04.2023 Скопје
Педесет и шест годишна жена од Гвангдонг во Кина е првата регистрирана жртва од вирусот на птичјиот грип Х3Н8 кај човек.
Овој вирус бил регистриран во 2002 година кај дива патка во Северна Америка, а откриен е и кај коњи, кучиња и фоки, но никогаш досега кај човек.
Долготрајниот престој во директен контакт со птици сигурно е битен фактор за „прескокнувањето“ на разните типови на вирусот на птичјиот грип, но потребни се дополнителни истражувања за да се утврди дали Х3Н8 се разликува од сродните вируси.
Во април и во мај биле регистрирани првите луѓе заразени од Х3Н8, исто така во Кина, едниот пациент лесно заздравел, а другиот бил тешко болен, во извештајот било наведено дека и тие биле долготрајно во директен допир со птици.
Од СЗО известија дека прв впечаток за овој вирус е дека нема способност лесно да се префрли од човек на човек, и поради тоа ризикот на национално, регионално и светско ниво е низок, но сепак тие будно ќе го следат ширењето на овој вирус и доколку дојде до додатни компликации веднаш соодветно ќе реагираат.
Подготвено од М.Н.
About Author
