20.04.2023 Скопје
Познати се полуфиналните двојки во Лигата на шампионите, Реал Мадрид ќе ги одмери силите со Манчестер сити, додека Милан ќе се соочи со градскиот ривал Интер.
Првите мечеви ќе се играат на 9 и 10 мај, а реванш средбите на 16 и 17 мај 2023.
Едно е сигурно, во финалето на 10 јуни во Истанбул, Италија ќе има свој претставник во завршната битка за титулата.
Во реванш натпреварот од четвртфиналето во Лигата на шампионите во Минхен ремизираа екипите на Баерн и Манчестер сити (1:1). Манчестер сити одат во следната фаза благодарение на високата победа од 3:0 остварена во првиот меч на „Етихад“.
Интер на стадионот „Џузепе Меаца“ одигра 3:3 против Бенфика, но победата 0:2 од првите 90 минути во Португалија го однесе Интер во полуфиналната фаза.
Подготвено од М.Н.
About Author
