03.04.2023 Скопје
Во Хаг денеска почнува судењето на поранешните водачи на терористичката ОВК, Хашим Тачи, Кадри Весељи, Јакуп Красниќи и Реџеп Селим за злосторства врз Срби, неалбанци и политички неистомисленици.
Судењето ќе започне во 9:00 часот со воведните зборови на обвинителството и одбраната, две и пол години од апсењето на поранешните водачи на ОВК и нивниот притвор во Хаг.
Презентирањето на воведните зборови, освен за денеска, е планирано и за следните два дена, додека изведувањето на доказите, вклучително и првите сведоци на обвинителството, ќе започне на 11 април, соопшти Специјалниот суд.
Тачи и неговите соработници се обвинети врз основа на индивидуална кривична одговорност во шест точки за злосторства против човештвото – прогон, затвор, други нехумани дела, тортура, убиства и присилно исчезнување на лица.
Обвинението ги товари за воени злосторства во четири точки, и тоа незаконско и самоволно апсење и лишување од слобода, сурово постапување, тортура и убиства.
Во обвинението се наведува дека овие злосторства биле извршени од март 1998 година до крајот на септември 1999 година најдоцна на многу места низ Косово, како и во Кукеш и Чахан, во северна Албанија.
Според обвинението, овие злосторства ги извршила ОВК против стотици цивили и лица кои не учествувале во воените дејствија.
Тачи, Весељи, Селими и Красниќи се поединечно кривично одговорни за злосторства извршени во контекст на немеѓународниот вооружен конфликт на Косово и кои беа дел од систематски напад од пошироки размери против цивилното население за кое се сметаше дека не ја поддржува ОВК .
На судењето на водачите на терористичката ОВК ќе учествуваат 140 жртви, меѓу кои и голем број Срби.
Специјалниот суд наведува дека учество добиле жртви кои докажале дека претрпеле физичка, психичка или материјална штета како директна последица на кривичното дело во обвинението.
Специјалното обвинителство обезбеди повеќе од 300 сведоци и повеќе од 56.000 различни документи кои ја потврдуваат вината на Тачи и другите.
Меѓу документите е и извештајот на специјалниот известувач на Советот на Европа, Дик Марти, за „жолтата куќа“ и трговијата со органи, врз основа на кој беше иницирана и подоцна донесена одлуката за формирање на Специјалниот суд за Косово.
Од обвинителството велат дека за изведување на сите докази ќе бидат потребни околу 600 часа, што според проценките значи дека судењето ќе трае до крајот на 2024 година.
Адвокатот на Тачи, Грегори Кихо, објави дека поранешниот врховен командант на НАТО за Европа, американскиот генерал Весли Кларк, поранешниот шеф на УНМИК, Бернард Кушнер, поранешните шефови на набљудувачката мисија на ОБСЕ, Вилијам Вокер и Ден Евертс и други лица кои водеше мисии на меѓународни организации на Косово и Метохија.
Подготвено од А.Ѓ.
About Author
