12.04.2023 Скопје
Главна тема на денешната средба на министерот за надворешни работи и претседавачот со ОБСЕ, Бујар Османи со претседателот на Азербејџан, Илхам Алијев, беше дијалогот за мир меѓу Азејбејџан и Ерменија, соопштија од МНР.
Османи најавил дека ќе продлжи со избалансиран пристап, а ОБСЕ со сите свои предизвици со кои се соочува, се уште претставува форум кој е вистински заинтересиран да види мир во овој клучен регион.
Османи исто така побарал поддршка од Азербејџан, како долгогодишен партнер на ОБСЕ, за решавањето на најитните прашања на Организацијата и на тој начин подобро справување со безбедносните предизвици што го засегаат Јужен Кавказ, но и поширокиот регион на ОБСЕ.
Како што соопшти МНР, Османи денеска ќе има средба и со министерот за надворешни работи, Џејхун Бајрамов и со претседателката на Националното собрание на Азербејџан, Сахиба Гафарова.
Подготвено од М.Н.
About Author
