13.04.2023 Скопје
И додека побарувачката за станови во Грција расте, се поставува прашањето – колку чини да имате сопствен простор во близина на плажа, во блиската земја? Иако инфлацијата завладеа и во областа на недвижностите, има локации каде што може да се најдат станови по пристојни цени, како на пример во Албанија.
1. Албанија
Наместен стан во Голем недалеку од море чини околу 44.500 евра за 63 м2. Можете да најдете и гарсоњера од по 50 м2 по цена од 35.000 евра, наместени. Становите во Шењин на 90 метри од море, од 63 квадрати, чинат 51.500 евра, но не се наместени. Стан кај плажата Манго во Саранда од 65 м2 чини 58.000, додека двособен стан од 48 квадрати во Орикум кај Валона чини 48.000 евра.
Сè на сè, кој планира да купи стан на брегот на оваа земја, може да го продаде за 1.000 евра квадрат.
2. Босна и Херцеговина
Неум е мало место и единствено во оваа земја што се отвора кон морето. Во овој поглед, недвижниот имот е помалку и затоа е поскап. Така, стан од 37 квадрати чини околу 62.000 евра. Двособен стан од 56 квадрати 121.200 евра.
Во ова гратче, пак, се продаваат повеќе куќи, па куќа од 160 м2 веднаш до море чини 665.000 евра.
3. Хрватска
Како и изминатите години, Хрватска предничи по цените на недвижностите, што го покажуваат новите резултати на Евростат, кои забележуваат дека цената на становите во оваа земја пораснала за 17,3 отсто. Наместен стан кај плажа, во Штинјан кај Пула, со површина од околу 65 м2, чини околу 210.000 евра. Од друга страна, пентхаус од 82 квадрати со поглед на море во Цриквеница чини 390.000 евра.
Трособен стан со поглед на море во Макарска со површина од нешто помалку од 100 квадрати е 285.000 евра, а од плажа е на 15 минути пешачење. Во Опатија голем стан од 280 м2 со поглед на море чини дури 798.000 евра.
Затоа би се рекло дека стан покрај море во Хрватска не може да се најде за помалку од 3.000 евра за метар квадратен.
3. Црна Гора
Во Црна Гора цените на становите вртоглаво растат, а сопствениците генерално ги издаваат на една година. Но, доколку сакате нов еднособен стан во Рафаиловиќи, со површина од 40 м2, ќе ве чини околу 147.000 евра. Будва е значително поскапа, па гарсоњера која е оддалечена 250 метри од морето, со површина од 22 метри квадратни, чини 75.000 евра.
Од друга страна, гарсоњера од 36 м2 во нов комплекс во Бар може да се најде по цена од 72.000 евра. Еднособен стан во Сутомор чини 98.300 евра за 52 м2. Споменатиот имот е на 250 метри од море.
Овие бројки водат до заклучок дека дури и уживањето во поглед на морето во Црна Гора не е евтино и дека е неопходно да се издвојат значителна сума пари, дури и ако планирате да купите многу мал гарсоњера. На крајот, кога се купува недвижен имот покрај море, најевтино би било во Албанија. Освен ако не сакате да отпатувате малку подалеку – во Грција, пренесува Екапија.
Подготвено од А.Ѓ.
About Author
