19.04.2023 Скопје
Претседателот на Јужна Кореја, Јун Сук Јеол, изјави дека земјата би можела да ја прошири својата поддршка за Украина надвор од хуманитарната и економската помош, ако земјата се најде под голем цивилен напад.
Јун истакна дека неговата влада истражува како да помогне во одбраната и обновата на Украина, исто како што Јужна Кореја добила меѓународна помош за време на Корејската војна од 1950 до 1953 година.
Како клучен сојузник на САД и главен производител на артилериска муниција, Јужна Кореја досега се обидуваше да избегне антагонизација на Русија поради нејзините компании кои работат таму и влијанието на Москва врз Северна Кореја, и покрај зголемениот притисок од западните земји за снабдување со оружје.
Ова е прв пат Сеул да предложи подготвеност да и обезбеди оружје на Украина, повеќе од една година откако ја отфрли можноста за таква помош.
Подготвено од М.Н.
About Author
