03.04.2023 Скопје
Германскиот производител на оружје „Рајнметал“ гради воен центар за одржување и логистика во Сату Маре, Романија, соопшти компанијата.
Новиот објект ќе биде оперативен почнувајќи од овој месец за поправка на оружје и воени возила што ги користи Украина во војната против Русија.
„Одржувањето се очекува да игра централна улога во зачувувањето на западните борбени системи што се користат во Украина и да се обезбеди достапност на логистичка поддршка“, истакна портпаролот на Рајнметал.
Романскиот центар на германскиот производител на оружје, лоциран во близина на украинската граница, ќе поддржува самоодни хаубици, тенкови „Леопард 2“ и „Челинџер“, пешадиски борбени возила „Мардер“, оклопни транспортери „Фукс“ и воени камиони, изјави извршниот директор на компанијата, Армин Папергер.
Подготвено од М.Н.
About Author
