22.04.2023 Скопје
Министерството за надворешни работи на Русија соопшти дека одлуката за ограничување на увозот на украинско жито е тежок удар за Володимир Зеленски.
Министерството за надворешни работи на Русија соопшти дека одлуката на Словачка, Полска, Унгарија и Бугарија да го ограничат увозот на украинско жито е тежок удар за режимот на украинскиот претседател Володимир Зеленски.
„Западните медиуми веќе почнаа да пишуваат за тоа дека безусловната поддршка на Киев од земјите од источна Европа е веќе речиси исцрпена, што се заканува да стане драстичен финансиски удар за режимот на Зеленски“, посочи тој.
Рускиот оддел за надворешна политика потсетува дека и Романија планира да преземе слични мерки, додека се очекува на таа „црна листа“ да бидат додадени и други земјоделски производи.
„Очигледно е дека системот на европскиот солидарен коридор за земјоделски производи од Украина има сериозни дупки“, се оценува.
Истовремено, Москва и порача на Европа да ги искористи преостанатите 18 дена до крајот на договорот за храна за да ги исполни сите услови за да ги добие условите за негово продолжување, а пред се се однесува на извозот на руски производи и ѓубрива.
Подготвено од А.Ѓ.
About Author
