28.04.2023 Скопје
Британската влада успеа да ја ограничи должината на претстојниот штрајк на медицинските сестри, откако Министерството за здравство покрена правна постапка против нивниот синдикат.
Последниот ден од 48-часовниот штрајк свикан од Кралскиот колеџ на медицински сестри (RCN), кој започнува вечерта на 30 април, ќе биде незаконски бидејќи гласањето за продолжување на штрајкот е валидно само шест месеци по неговото распишување, пресуди судијата Томас Линден.
Претходно, британскиот синдикат на машиновозачи соопшти дека ќе штрајкува уште три дена, вклучувајќи го и денот на финалето на ФА Купот на 3 јуни, откако ја отфрлија понудата за плата од 16 железнички компании.
„Нашиот извршен одбор се состана утрово и го отфрли смешниот предлог што го добивме“, се вели во соопштението на генералниот секретар на Здружението на инженери и пожарникари на локомотиви (ASLEF) Мик Вилан.
Соодветно, според најавата, машиновозачите ќе штрајкуваат уште три дена – во петок на 12 мај, во среда на 31 мај и во сабота на 3 јуни.
Подготвено од А.Ѓ.
About Author
