25.04.2023 Скопје
Перуанските археолози откопаа мумија стара повеќе од 1.000 години на периферијата на Лима, на местото Кајамаркила, која датира од времето пред Инките.
Мумијата е добро сочувана, откриена е во понеделникот во подземна гробница, а најверојатно се работи за адолесцентна девојка, изјавија археолозите.
Тие изјавија дека мумијата била стара помеѓу 1.100 и 1.200 години, потсетувајќи дека минатата година во близина била пронајдена друга мумија.
„На археолошкиот локалитет се пронајдени и останки на осум деца и 12 возрасни лица, кои очигледно биле жртвувани пред околу 800 до 1.200 години“, велат археолозите.
Распространетиот комплекс Кајамаркила содржи урнатини од четири пирамиди и други структури и се наоѓа на околу 20 километри од Лима.
Подготвено од А.Ѓ.
About Author
