14.03.2023 Скопје
Претседателот на Украина Володимир Зеленски изјави дека иднината на неговата земја се решава во источна Украина, каде борбите се многу тешки.
Во ноќното видео обраќање, Зеленски истакна дека ситуацијата на исток е многу тешка и многу болна и „мораме да ја уништиме воената моќ на непријателот и тоа ќе го направиме“.
Зеленски истакна дека сега се бори за иднината на Украина и Украинците во Билогоривка, Маринка, Авдијивка, Бахмут, Вугледар и Камјанка.
Украинскиот претседател рече дека е благодарен на сите војници кои ги ставија своите животи на линија во тие битки.
Зеленски им оддаде посебно признание на војниците на 92. механизирана бригада за нивните успешни операции во областа Бахмут.
Подготвено од А.Ѓ.
About Author
