27.03.2023 Скопје
Во Германија во тек е национален штрајк на јавниот превоз. Работниците се мобилизирани од Синдикатот на синдикатите на услужниот сектор (ВЕР.ДИ) и Синдикатот на железници и транспорт (ЕВГ), при што во штрајкот учествуваат работниците на јавниот гратски и меѓународен превоз, метрото, возовите и авионите, како и на водните патишта.
Како што јавуваат тамошните медиуми, мобилизацијата е дел од пресметката меѓу синдикатите и работодавачите, ангажирани во колективно договарање. Конкретно, (ВЕР.ДИ) бара зголемување на платите за 10,5 отсто за федералните и општинските вработени или најмалку 500 евра повеќе месечно за 12 месеци.
Државните компании претходно конкурираа за ефективно зголемување на платите од 3 отсто на крајот на 2023 година и 2 отсто во средината на 2024 година во период од 27 месеци. Предвидена е и компензациона премија за инфлација на две рати од 1.500 и 1.000 евра, за кое работодавачите и синдикатите ќе имаат средба во текот на денешниот ден.
Во меѓувреме, Кристијан Лорох од (ЕВГ) изјави дека подготвеноста на работниците за штрајк е „многу висока“, и нивниот „гнев“ е многу голем, а генералниот секретар на (ВЕР.ДИ), Франк Вернеке, истакна дека штрајкот на јавниот превоз треба уште еднаш да им стави до знаење на работодавците дека вработените јасно ги поддржуваат барањата на синдикатите.
Подготвено од М.Н.
About Author
