28.03.2023 Скопје
„Титаник“, достигнувањето на Џејмс Камерон, на 2 март 1998 година, стана првиот филм во светот кој заработил над милијарда долари.
„Титаник“ е американски епски филм од жанрот романтична катастрофа, премиерно прикажан во 1997 година.
Инспирацијата на Камерон за филмот дојде од неговата фасцинација со бродоломи. Исто така, тој сметаше дека љубовната приказна прошарана со човечка загуба ќе биде од суштинско значење во пренесувањето на емоционалното влијание на катастрофата.
По американската премиера на 19 декември 1997 година, Титаник постигна значителен критички и комерцијален успех, а потоа доби и бројни признанија.
Филмот беше пофален за неговите визуелни ефекти, глумата, продукциските вредности, режијата, музичката партитура, кинематографијата, приказната и емотивната длабочина.
Беше номиниран за четиринаесет Оскари, изедначувајќи го бројот на номинации со холивудскиот спектакл „All About Eve“ од 1950 година, а освои единаесет, вклучително и најдобар филм и најдобар режисер.
Подготвено од А.Ѓ.
About Author
