31.03.2023 Скопје
Српскиот претседател Александар Вучиќ и премиерот на Република Северна Македонија, Димитар Ковачевски утрово на средбата во Белград го потврдија долгогодишното партнерство и пријателство меѓу двете држави отсликано преку постојаната взаемна поддршка за клучни прашања и предизвици кои ги засегаат двете земји.
Владината прес-служба соопшти дека на средбата било заклучено дека билатералните односи меѓу двете земји се карактеризираат со динамичен политички дијалог на високо ниво, економска соработка и трговска размена.
На средбата биле споделени и информации за делувањето на двете држави во рамки на Западен Балкан, во контекст на економската, демократска и безбедносната ситуација во регионот и Европа, соопштија од владината прес-служба.
Во владината делегација која што ја предводи Ковачевски се и министрите за внатрешни работи Оливер Спасовски, за економија Крешник Бектеши, за транспорт и врски Благој Бочварски како и заменик министерот за информатичко општество и јавна администрација Александар Бајдевски.
Подготвено од М.Н.
About Author
