31.03.2023 Скопје
Витаминот Б5 е од суштинско значење за создавање на крвни зрнца и ви помага да ја претворите храната што ја јадете во енергија. Тој е еден од осумте витамини на Б комплексот. Сите Б витамини ви помагаат да ги претворите протеините, јаглехидратите и мастите што ги јадете во енергија, а исто така се потребни за здрава кожа, коса и очи, правилно функционирање на нервниот систем и црниот дроб.
Го има во повеќето зеленчуци, вклучувајќи: брокула, зелка, бели и слатки компири, цели зрна.
Други здрави извори на Б5 вклучуваат: печурки, јаткасти плодови, грав, грашок, леќа, месо, млечни производи, јајца.
Недостатокот на витамин Б5 сам по себе веројатно нема да предизвика здравствени проблеми. Меѓутоа, луѓето со дефицит на Б5 често имаат и други витамински недостатоци во исто време. Симптомите на недостаток на Б5 може да вклучуваат: главоболка, замор, раздразливост, нарушување на мускулната координација, гастроинтестинални проблеми.
Витаминот Б5 често се додава во производите за коса и кожа, како и при правење шминка. Декспантенол, хемикалија направена од Б5, се користи во креми и лосиони дизајнирани да ја навлажнуваат кожата. Во производите за коса, Б5 може да помогне да додадете волумен и сјај. Исто така, се вели дека ја подобрува текстурата на косата што е оштетена со стилизирање или хемикалии.
Подготвено од А.Ѓ.
About Author
