31.03.2023 Скопје
На полноќ ќе започне изборниот молк во пресрет на вториот круг од претседателските избори во Црна Гора, кој ќе се одржи во недела на 2 април.
Во вториот круг од претседателските избори ќе учествуваат кандидатите на Демократската партија на социјалистите Мило Ѓукановиќ и Јаков Милатовиќ од Движењето „Европа сега“.
Ѓукановиќ во првиот круг освои 35,3 отсто од гласовите, а Милатовиќ 28,9 отсто.
Право на глас на претседателските избори во Црна Гора имаат 542.154 граѓани.
Избирачките места ќе бидат отворени од 07:00 до 20:00 часот.
Изборите ќе ги следат домашни и странски набљудувачи.
Мандатот на претседателот на Црна Гора е пет години.
Подготвено од А.Ѓ.
About Author
