13.03.2023 Скопје
Пред клучниот состанок поддржан од ЕУ меѓу Косово и Србија на 18 март во Охрид, Република Северна Македонија, косовскиот премиер Албин Курти зборуваше за неподготвеноста на српскиот претседател Александар Вучиќ да потпише договор, но изрази надеж за претстојните разговори.
Додека ЕУ и САД рекоа дека е постигнат вербален договор во Брисел на крајот на февруари, Вучиќ набрзо отстапи пред домашната публика, изјавувајќи дека нема да го потпише договорот.
Курти за време на викендот објави видео порака во која рече дека меѓусебното признавање е единствениот начин да се постигне нормализација на односите.
„Сметаме дека основниот договор меѓу Косово и Србија претставува напредок кон взаемно признавање меѓу двете држави. Сметаме дека целосната нормализација на односите бара такво признавање како централна точка на договорот“, рече тој.
Косовскио премиер додаде: „На трилатералниот состанок во Брисел на 27 февруари, понудив да го потпишам основниот договор во име на Република Косово. За жал, претседателот на Србија одби. Тој го објави одбивањето јавно по напуштањето на состанокот“, додавајќи дека се надева дека тоа не значи дека Вучиќ не се согласува со содржината.
Во следното интервју за Еуроњуз, Курти рече дека, сепак, останува надежен.
„Овој основен договор, кој го предложија 27-те земји на ЕУ, е основа за да се оди напред и се надеваме дека конечно ќе го постигнеме на 18 март“, рече Курти.
Тој го истакна „невидениот економски и демократски напредок“ на Косово во последните две години, додавајќи дека е водечки во овие области во целиот Западен Балкан.
Курти, исто така, рече дека има позитивни знаци дека земјата ќе биде прифатена да се приклучи на организацијата за човекови права со седиште во Стразбур, Советот на Европа.
„Огромното мнозинство од членовите на Советот на Европа се позитивни во однос на апликацијата на Косово и се надевам дека сега ќе ги забрзаме процедурите за да го имаме конечното гласање таму, за влез во Советот на Европа. За нас тоа е многу важно бидејќи би било покорисно за самите граѓани“, рече тој.
Исто така, во текот на викендот, претседателката Вјоса Османи се сретна со грчкиот министер за надворешни работи Никос Дендиас на разговори за дијалогот со Србија. Иако Грција не го признава суверенитетот на Косово, во соопштението за печатот од кабинетот на претседателот по состанокот се сугерираше грчка поддршка за договорот и тековната стабилност во регионот.
„Во врска со последните случувања во процесот на дијалог со Србија, претседателот Османи истакна дека планот за имплементација на договорот мора да биде во согласност со Уставот на Републиката, што ќе придонесе за долгорочен мир и стабилност во регионот, се додека како што е повторено дека координацијата на Косово со сојузниците во овој процес ќе продолжи“, се наведува во соопштението.
Подготвено од А.Ѓ.
About Author
