17.03.2023 Скопје
Се подразбира дека секојдневното пешачење е одличен сојузник за сите оние кои го ставаат своето здравје на прво место. Дури и секојдневната прошетка како одење во шопинг, во комбинација со дваесет минути лесно вежбање, го намалува ризикот од прерана смрт.
Се разбира, пешачењето не е само техника за продолжување на животот. Тоа е исто така одлична физичка активност, форма на вежбање што може да ви помогне да ги постигнете вашите цели за фитнес и/или губење на тежината.
Пешачењето како начин за слабеење е многу привлечна опција за многумина бидејќи е активност која не бара многу. Доволно е да купите патики и редовно да одите во блискиот парк, шума или едноставно да шетате низ соседството. За многу луѓе, поради нивните здравствени состојби, пешачењето е многу подобра опција од трчањето.
А за да се постигнат најдобри резултати со одење, научниците од Харвард сугерираат дека е важно да се направи една клучна работа на самиот почеток. Тајната на успехот лежи, имено, во тоа што треба да го прилагодите тренингот на вашите фитнес цели.
На пример, ако одењето е вашата примарна аеробна активност, тогаш треба да го менувате интензитетот и брзината. Ако сакате да го зајакнете долниот дел од телото, смислете начини како да ги изградите квадрицепсите и листовите со одење. Ако планирате искачување на планина или одмор кој вклучува многу пешачење, тогаш користете го пешачењето за да ја зголемите вашата издржливост.
Значи, ако знаете која е вашата цел и ако го прилагодите тренингот за да ја постигнете таа цел, резултатите ќе дојдат, а вие ќе бидете задоволни и мотивирани да продолжите.
Ако сте сосема нови во светот на пешачењето, пешачете со стабилно темпо околу 20 минути неколку дена во неделата. Тоа е одличен почеток и наскоро ќе сакате да ги подигнете работите на следното ниво, без грижи.
Не заборавајте да го започнете и завршите секој тренинг со петминутно загревање и истегнување.
Подготвено од А.Ѓ.
About Author
