28.03.2023 Скопје
Ново истражување покажа дека хормоналните апчиња против бременост ја зголемуваат опасноста од развој на рак на дојка. Меѓу нив се и сè попопуларните пилули што содржат само прогестин.
Според испитувањата, користењето хормонална контрацепција носи 20-30 отсто поголем ризик за развој на рак на дојка, во споредба со некористењето.
Написот во списанието „ПЛОС Медисин“ покажува дека можноста за развој на рак на дојка кај жените во случај на земање хормонални контрацептиви со естроген и прогестин, и кога содржат само прогестин, е приближно иста.
Опасноста е речиси иста, без оглед на начинот на употреба – орална пилула, спирала, имплант или инјекција. И без разлика дали се работи за комбинирана пилула или само прогестин.
Имајќи предвид дека веројатноста за рак на дојка се зголемува со возраста, авторите на истражувањето го пресметале и апсолутниот ризик поврзан со земање контрацептиви. Така, кај 100.000 девојки на возраст меѓу 16 и 20 години, има осум случаи на рак на дојка, во случај кога тие користат контрацепција во распон од пет години. Меѓу жените на возраст меѓу 35 и 39 години, бројката е 265 случаи на 100.000 испитанички, пропорционално.
Подготвено од А.Ѓ.
About Author
