30.03.2023 Скопје
Министерот за надворешни работи на Република Северна Македонија, Бујар Османи, соопшти дека денеска во Скопје е формирана Западнобалканската четворка.
„Во фокусот е целосната усогласеност на Република Северна Македонија, Албанија, Косово и Црна Гора со заедничката надворешна и безбедносна политика на ЕУ во светло на новата гео-политичка реалност, хибридните закани, енергетската криза и економските последици предизвикани од руската инвазија на Украина. Секоја од овие земји поединечно, се покажа како доверлив партнер на НАТО и ЕУ. Заедничка стратешка цел на сите земји кои успеале да достигнат потполна хармонизација со одлуките на ЕУ е целосна интеграција во Унијата“, соопшти министерот Османи.
Османи истакна дека платформата на Западнобалканската четворка е во согласност со заедничката надворешна и безбедносна политика на ЕУ, но и со демократските вредности и принципи.
Подготвено од М.Н.
About Author
