03.03.2023 Скопје
Високиот претставник на ЕУ за надворешна политика и безбедност, Жозеп Борел, изјави дека суспендирањето на членството на Русија во Групата 20 би било доста контрадикторно со мултилатерализмот.
За време на геополитичко-дипломатската конференција на „Раисин дијалог“ во Њу Делхи, тој одговори на прашањето зошто не е можно Русија да биде суспендирана од Г20 и да продолжи да ги решава актуелните проблеми во светот.
„Не можете да кажете дека сакате да се залагате за мултилатерализам, а потоа да барате од Русија да ја напушти Г20. Тоа е сосема контрадикторно, нели?“, одговори Борел.
Тој рече дека е неопходно да се задржат начините на разговор или барем да се слушаат другите.
Тој го опиша состанокот на министрите за надворешни работи на Г-20 како „големо подобрување“ во однос на состанокот на Г-20 на Бали, бидејќи рускиот министер за надворешни работи потоа „дојде, зборуваше и замина“.
„Тогаш рускиот министер за надворешни работи не остана да ги слуша другите. Барем овој пат остана и слушаше. Важно е да можеме да кажеме што мислиме и да добиеме одговор од другата страна. Мора да ја задржиме таа можност“, нагласи Борел.
Подготвено од А.Ѓ.
About Author
