31.03.2023 Скопје
Командантот на една од украинските единици, полковник Евгениј Межевикин, оцени дека битката за Бахмут може да стане пресвртница во војната и дека Украина е способна да го задржи градот и да ги потисне руските трупи.
Межевикин верува дека ако Украинците успеат да ги зачуваат своите неодамнешни успеси, битката за Бахмут може да биде пресвртница во одбраната на Украина против Русија, не само поради запирање на руската офанзива, туку и поради подготовката на силен контранапад.
Според Межевикин, руските напади во Бахмут се забавени и избегната е непосредна закана од опкружување. Тој додаде дека руските сили ги „исцрпиле сите свои резерви“.
Межевикин рече дека на северната и јужната страна на Бахмут, каде што руските војници се обиделе да го опколат градот, Русите наишле на најмотивираните украински единици и дека тие „немале повеќе сила“.
Сепак, додаде Межевикин, центарот на градот останува фокусна точка, каде руските сили напаѓаат со значителна сила.
Украинските војници кои се борат во Бахмут рекоа дека руските војници ги фокусирале своите напори на туркање во центарот на градот, користејќи тешка артилерија и воздушни напади.
Подготвено од А.Ѓ.
About Author
