24.03.2023 Скопје
Се уште се свежи сеќавањата на пропаѓањето на неколку македонски банки, последната „Еуростандард банка“ премногу ги вознемири штедачите, а изминатите денови пак цел свет го вознемири веста за пропаѓање и тоа преку ноќ на влијателни банки во Америка и Европа.
Банкарите и ЕУ смируваат, тврдат дека се реагирало брзо и спречено е прелевање на кризата и пропаѓање на други банки, но паниката кај народот се чини не е стивната.
Во Република Северна Македонија неминовно е да се запрашаме, ако пропаѓаат банки во Америка и Швајцарија, во каква состојба и во колкав ризик се нашите домашни банки, и колку се сигурни нашите пари?
Од НБРМ соопштија дека многу важно е што нашиот банкарски систем работи врз основа на конзервативен, традиционален деловен модел, што дополнително го прави отпорен во вакви ситуации.
„Важно е јавноста да знае дека досегашните согледувања покажуваат дека овие настани нема да имаат никакви директни ефекти врз домашниот банкарски систем“, стои во соопштението од НБРМ.
Подготвено од М.Н.
About Author
