15.03.2023 Скопје
Бугарското Министерство за финансии соопшти дека земјата се соочува со банкрот и постои ризик за стабилност на фиксниот курс на бугарскиот лев во однос на еврото.
Вршителот на должноста министер за финансии Росица Велкова-Желева во извештајот наведе дека влезот на Бугарија во еврозоната мора да се одложи на неодредено време.
Велкова-Желева вели дека задолжувањето кај ММФ би помогнало за зачувување на фискалната стабилност, но дека тоа би можело да наметне сериозни финансиски ограничувања и дека во таа ситуација приходите би биле замрзнати.
Министерката за финансии истакна дека проценките направени од Министерството за финансии покажуваат дека доколку се задржат политиките донесени во 2022 година и ги рефлектираат фискалните ефекти од прописите кои стапија на сила, а кои ги предодредуваат приходите и расходите, ефектот за 2023 година подразбира значително влошување на буџетниот биланс во јавната администрација во износ од 6,9 отсто од БДП.
Таа нагласи дека како резултат на мерките што ги донесе собранието кое ја избра владата со премиерот Кирил Петков и министерот за финансии Асен Василев, „забележано е значително зголемување на буџетските расходи за 2023 година и на среден рок дефицитите се враќаат на околу 6 или 7 проценти од БДП“.
Медиумите пишуваат дека доколку се задржат наведените трендови на негативниот дефицит, се зголемува можноста за забрзан пристап кон предвидените горни граници на јавниот долг од 60 отсто од БДП.
„За надминување на ризиците, Владата треба да вложи максимални напори за усогласување со дигиталните фискални правила и ограничувања од Законот за јавни финансии, односно да предложи трајни мерки за консолидирање на приходите и расходите за да се достигнат целните нивоа на дефицит. за периодот 2023-2026 година“, заклучи Велкова-Желева
Подготвено од А.Ѓ.
About Author
