13.02.2023 Скопје
Српскиот претседател Александар Вучиќ изјави дека веќе не е јасно кој ја добива војната, но ќе и биде тешко на Србија, која досега успеа да избегне санкционирање на Русија, да избере страна.
Вучиќ истакна дека Србија ќе биде „меѓу чеканот и наковалната“ кога станува збор за односите со Русија, нагласувајќи дека идниот притисок ќе биде неспоредлив со досегашниот. Исто така, тој додаде дека веќе не е јасно кој победува во Украина, но „ќе ни биде тешко кој и да победи затоа што Србија е меѓу ретките кои зборуваат за мир, нешто што никој во Русија или Запад во моментов не го спомнува“.
„Ќе одиме се додека можеме. Ќе бидам свесен за тој момент, и нема да го кријам. Немаме месеци да одвоиме. Кога некој има гангрена, лекарот избира да му ја ампутира ногата за да му го спаси животот“, рече Вучиќ, потврдувајќи дека ќе и каже на јавноста штом Србија ќе биде принудена да избере.
„Треба да бидеме свесни за фактот дека имаме западни инвестиции и сме на европскиот курс. Глупаво е кога некој вели дека треба да го прекинеме тоа или сите врски со Русија. Тоа не може да биде Србија, треба да се грижиме за душата на народот, но и за економскиот интерес“, изјави Вучиќ.
Претседателот претходно рече дека Србија можеби ќе треба да ја санкционира Русија, но иако има можност да не биде принудена, „подобро е да не мора“.
Министерот за надворешни работи Ивица Дачиќ за првпат во јануари навести дека Белград може да го промени курсот и да воведе санкции кон Русија, што е едно од клучните барања на ЕУ за Србија да напредува во разговорите за членство во ЕУ.
Подготвено од А.Ѓ.
About Author
