28.02.2023 Скопје
Вчеравечер, српскиот претседател Александар Вучиќ, по разговорите со претставниците на ЕУ и косовскиот премиер Албин Курти, соопшти дека е договорено разговорите да продолжат во наредниот период, а следната средба ќе биде на 18 март во Република Северна Македонија.
Вучиќ за новинарите изјави дека имале вообичаено тешка средба и „ќе продолжиме и во наредниот период“. Воедно, подвлече дека инсистирал на ЗСО и смета дека Курти не бил подготвен да го прифати сега тоа, а „ќе видиме дали ќе биде во иднина“.
Српскиот претседател Вучиќ се надева дека е можно да се дојде до некакви компромиси, но се плаши дека ќе останат заглавени во нешто што е одамна потпишано. Вучиќ изрази уверување дека ќе може да се работи на имплементација на претходно постигнатите договори.
На прашањето дали се спроведува бриселскиот договор или француско-германскиот план, Вучиќ повтори дека на прво место е Заедницата на српски општини.
Подготвено од А.Ѓ.
About Author
