18.02.2023 Скопје
Откажувањето на еврообврзницата од страна на владата на Ковачевски не само што го нарушува угледот на Република Северна Македонија пред финансиските институции, туку ќе има и можни финансиски импликации.
Министерството за финансии предводено од Бесими и владата предводена од Ковачевски знаеле дека еврообврзницата ќе пропадне уште на 14 февруари, односно ден пред за тоа да дознае и целата јавност во државата, а сепак одржале аукција на државни обврзници со рок на достасување од само две години и со каматна стапка од високи 5,25%.
Токму поради оваа значајно висока каматна стапка понудата била 8 милијарди денари, а побарувачката била поголема од 12 милијарди денари.
Ова покажува дека Република Северна Македонија е задолжена многу скапо, односно ако во минатото каматната стапка од 5% се даваше за рок на доспевање од 15 години, сега за 2 годишни државни обврзници се плаќаат каматни стапки од 5,25%, поради што државата е со нарушен углед пред меѓународните институции, а дополнително и со поголем долг.
Подготвено од М.Н.
About Author
