24.02.2023 Скопје
Лидерот на босанските Срби, Милорад Додик, најави дека владејачката коалиција во Босна и Херцеговина може да се распадне поради несогласувањата во земјата за односот кон војната во Украина.
Додик изјави дека е незадоволен од приклучувањето на БиХ кон резолуцијата на Генералното собрание на Обединетите нации за осуда на руската агресија врз Украина, и тврди дека гласањето на амбасадорот на ОН Свен Алкалај за поддршка на тој документ е незаконски.
Амбасадорот Алкалај доби инструкција да гласа за резолуцијата во ОН предложена од Украина, во пресрет на годишнината од руската агресија од Министерството за надворешни работи на Босна и Херцеговина.
Додик луто и незадоволно изјави дека таа инструкција е против актуелните закони бидејќи за тоа гласање не била добиена согласност од Претседателството на Босна и Херцеговина.
„Ние не ги прекинавме односите со Русија и нема да ги прекинеме, а не не интересира што мисли американскиот амбасадор“, изјави Додик, за кого пристапувањето кон резолуцијата на ОН е само „продолжение на старата практика“ која, доколку продолжи по овој пат, ќе доведе до колапс на владата воспоставена по изборите во октомври 2022 година.
Подготвено од М.Н.
About Author
