15.02.2023 Скопје
Медиумите во Јужна Кореја објавија дека кризата со храна во Северна Кореја се влошува и дека севернокорејските власти првпат по повеќе од две децении ги намалиле оброците за војниците.
Северна Кореја доживеа голем недостиг на храна во последниве децении, вклучително и глад во 1990-тите.
Изолираната земја е под строги меѓународни санкции поради нејзината програма за нуклеарно оружје и балистички ракети, а во последниве години нејзината ограничена гранична трговија речиси целосно стивна поради пандемијата „Ковид-19“.
Севернокорејската државна новинска агенција KCNA на 6 февруари објави дека Работничката партија на Кореја свикала состанок на централниот комитет на партијата за „многу важна и итна задача за одредување на правилната стратегија за развој на земјоделството“.
Минатиот месец, американската мониторинг група 38 North изјави дека е голема веројатноста достапноста на храна во Северна Кореја да е под минимумот за човечките потреби.
Подготвено од М.Н.
About Author
