РАЗЛИКАТА ПОМЕЃУ ПАРФЕМ И ТОАЛЕТНА ВОДА

25.02.2023 Скопје

Мирисите ги поврзуваме со одредено време, сеќавање или личност, поради што предизвикуваат вистински емотивни реакции. Скоро секој има свој омилен парфем кој го користи секој ден. Но, дали некогаш сте се запрашале што точно е разликата помеѓу парфем и тоалетна вода, натписите што ги гледаме на секое шише?

Како што пишува Бирд, разликата помеѓу тоалетната вода и парфемот е многу јасна и едноставна.

Сè се сведува на класификацијата што ја прави брендот, врз основа на тоа како се чувствува парфемот во концентрацијата и длабочината на мирисот.

Мери Валас, поранешен шеф на маркетинг во француската парфимерија Diptyque, објасни дека концентрацијата, генерално, на тоалетната вода е помеѓу 8 и 12 проценти, додека концентрацијата на парфемската вода е помеѓу 12 и 18 проценти, иако концентрациите може да варираат.

Валас истакна дека парфемската вода е поконцентрирана од тоалетната вода, објаснувајќи дека е важно да се разбере дека процентот на мирисното масло во парфемот не е едноставна квалитативна вредност бидејќи повеќе не е секогаш подобро. Во зависност од видот на парфемот, понекогаш помалку е повеќе, а понекогаш е потребна поголема концентрација за да се постигне саканиот ефект.

Едно е сигурно, без разлика дали специфичните бројки варираат по производ или бренд, парфемската вода секогаш ќе биде поконцентрирана од тоалетната вода.

Експертот Валас објаснува дека, со оглед на тоа што има поголема концентрација на мирис во парфемите, тоа влијае на должината на времето и на ароматичноста. Едноставно кажано, парфемната вода трае подолго на кожата и е поароматична од тоалетната вода, која побрзо ќе испари.

Парфемот и тоалетната вода може да не мирисаат исто, дури и ако се означени како истиот мирис. Често, тоалетната вода е и полесна и посвежа, додека парфемната вода е побогата и поиздржлива.

Можете исто така да ги земете предвид температурата и сезоната пред да изберете една од друга. Во влажна и топла клима, може да се претпочита свежа тоалетна вода, додека во поладно време парфем може да понуди повеќе топлина и длабочина.

Пред да го купите следниот мирис, пробајте ги и верзиите Eau de parfum и Eau de toilette и видете која ви се допаѓа повеќе. Исто така, земете во предвид во кое време од денот, сезоната и околината ќе го носите мирисот, сметајте дека тоалетната вода најмногу ќе одговара за дневна и канцелариска облека, а парфемната вода најверојатно ќе трае цела ноќ.