25.02.2023 Скопје
Општина Аеродром објави јавен повик за доделување финансиска поддршка на спортските клубови и здруженија кои дејствуваат на територијата на општина Аеродром.
Финансиската поддршка се доделува со цел подобрување на условите за професионален и рекреативен спорт во општината.
Поддршката е предвидена за спортски клубови и спортски здруженија, за реализација на спортски манифестации, за развој на училишниот спорт, за наградување на квалитетот на часовите по физичко и здравствено воспитување, за развој на спортот во делот на инклузија на учениците со атипичен развој, како и за развој на женскиот спорт.
Рокот за поднесување на пријавите е седум работни денa, почнувајќи од 24 февруари, а сите услови и документи кои се потребни можат да се видат на следниов линк: www.aerodrom.gov.mk.
Пријавата со целокупната документација треба да се достави преку пошта, на адреса: Општина Аеродром бул. „Јане Сандански“ 109 Б,1000 Скопје или во архивата на Општината секој работен ден.
Пријавите и документацијата се доставуваат во затворен плик со ознака „Не отворај“ и со назнака „За јавен оглас за финансиска поддршка на спортски клубови, спортски здруженијаи здруженија на граѓани, кои организираат спортски манифестации“.
Подготвено од А.Ѓ.
About Author
