22.02.2023 Скопје
Според Групацијата Фебелко, најголемиот снабдувач на лекови во Белгија, Белгија во моментов се соочува со сериозен недостиг на лекови со недостапни вкупно 1.239 лекови, што е далеку од бројките откриени од Федералната агенција за лекови на земјата.
Бројот на дефицитарни лекови е поголем од она што беше објавено од PharmaStatut, иницијатива на Федералната агенција за лекови и здравствени производи (FAMPH), која проценува дека 363 лекови биле недостапни во последните 30 дена.
Белгиските медиуми пренесуваат дека земајќи ги предвид лековите кои веќе извесно време се недостапни, оваа бројка достигнува 1.239.
Во отвореното писмо до фармацевтите, извршниот директор на Фебелко, Оливие Делаер, вели дека е „загрижен за ситуацијата, но исто така и за начинот на кој таа се соопштува од сојузните власти“.
Делаер истакна дека доколку се вклучат и лековите кои извесно време се недостапни, бројката ќе се искачи на 1.239 и ова значи дека речиси 15% се недостапни.
Бидејќи земјите-членки на ЕУ преговараат за цените поединечно, директорот исто така објасни дека фармацевтските компании им даваат приоритет на поголемите земји со повеќе пациенти и повисоки цени, што резултира со „вештачки недостиг“ во Белгија.
Во истражувањето за недостигот на лекови, спроведено помеѓу 14 ноември и 31 декември 2022 година од страна на Фармацевтската група на Европската унија, сите земји на ЕУ пријавиле недостиг до фармацевтите во заедницата, а 76 отсто рекле дека недостигот е полош отколку во 2021 година.
Околу 79% од испитаниците изјавиле дека има недостиг на антиинфективни средства за системска употреба, додека на 76% им е тешко да набават лекови за респираторни проблеми. Нагласени се и други состојби, вклучително и кардиоваскуларни и гастроинтестинални.
Сепак, портпаролката на FAMPH, Ен Екхоут, подвлекува дека од воведувањето на PharmaStatut во 2019 година, недостигот се намалил од 5% на 3%.
Но, сепак, „има околу 20 недостапни лекови за кои алтернативите не се веднаш достапни во моментов. Осум од нив сè уште се во ограничена понуда“, изјави таа.
За овие лекови, работна група составена од специјалисти од FAMHP, Националниот институт за осигурување од болест и инвалидност и експерти ќе се состанат за да формулираат препораки за здравствените работници.
Дополнително, пред еден месец стапи на сила кралската уредба со која може привремено да се ограничи извозот на лекови доколку нивната недостапност би имала големо влијание врз здравјето и доколку нема други лекови со ист терапевтски ефект. „Ова е за да се избегне прекинување на третманите со понекогаш витални лекови“, рече Еекхаут.
„Изненадени сме што кралскиот декрет, издаден во јануари од министерот за здравство Ванденброук, се смета за чудо решение“, рече Делаер во отвореното писмо.
Фебелко предлага да бара транспарентност и гаранција за акции од индустријата. Исто така, предлага да се преземе акција против политиката за квоти на индустријата и во корист на увозот, како што прават некои други европски земји.
Подготвено од А.Ѓ.
About Author
