01.02.2023 Скопје
По спроведената акциска контрола на возила кои што вршат јавен превоз на ученици, изречени се 65 сообраќајни прекршоци.
Три возила се исклучени од сообраќај поради истечена регистрација, а 21 возило се упатени на вонреден технички преглед, соопшти Министерството за внатрешни работи.
Сообраќајните контроли за зголемување на безбедноста на учениците од дома до училиште и од училиште кон дома ќе продолжат и во наредните денови, соопштија од МВР.
„Апелираме до сите да ги почитуваме сообраќајните правила и прописи и на тој начин сите заеднички да придонесеме да се зголеми безбедноста на децата и на сите нас“, стои во соопштението од МВР.
Подготвено од М.Н.
About Author
