07.02.2023 Скопје
Корпорацијата Мајкрософт (MSFT.O) соопшти дека ги истражува проблемите со услугата за е-пошта Outlook бидејќи корисниците во Северна Америка се соочуваат со проблеми со пристап, испраќање или пребарување на е-пошта на платформата.
Според Downdetector.com, имало повеќе од 2.000 инциденти на луѓе кои пријавиле проблеми со Outlook доцна во вторникот околу 23:10 часот по средноевропско време. Downdetector.com ги следи прекините преку собирање извештаи за статусот од извори, вклучително и грешки доставени од корисниците на својата платформа.
Фирмата за веб-мониторинг покажа дека извештаите се намалиле на 351 инцидент на луѓе кои поднеле жалби до 2:10 часот по средноевропско време.
Мајкрософт во ажурирање на страницата за статус истакна дека корисниците главно хостирани во северноамериканскиот регион кои се обидуваат да пристапат до Outlook.com „можеби нема да можат да испраќаат, примаат или пребаруваат е-пошта“. Воедно, додаде дека дополнителната функционалност, „како што е „Календар“ што ја користат други услуги, како што е „Мајкрософт тимови“, исто така ќе бидат засегнати“.
Мајкрософт информира дека „Неодамнешна промена“ доведе до проблемот и компанијата работеше на рестартирање на делови од погодената инфраструктура со цел да ја врати услугата.
Подготвено од А.Ѓ.
About Author
