17.02.2023 Скопје
Кинеските власти прогласија „решителна победа“ над Ковид-19, истакнувајќи дека нивните напори покажале успех, односно дека над 200 милиони луѓе имаат добиено ефикасен медицински третман, и се водат како земја која има најниска стапка на смртност во време на пандемијата.
Постојаниот комитет на кинеското Политбиро истакнаа дека е постигната голема решавачка победа во превенцијата и контролата на епидемијата.
Речиси 800.000 тешки случаи добиле соодветен третман, но властите предупредија дека иако епидемиолошката ситуација во Кина се подобрува, вирусот се уште се шири на глобално ниво и продолжува да мутира, пренесуваат тамошните медиуми.
Од комитетот исто така додадоа дека ќе ја зголемат постојаната стапка на вакцинација кај постарата популација и дека секогаш ќе се заложуваат за зголемено и навремено снабдување и производство на медицински производи.
Подготвено од М.Н.
About Author
