28.02.2023 Скопје
Канада вчера објави дека става забрана на кинеската социјална мрежа TikTok од владините електронски уреди.
Според властите во Отава, кратката апликација за споделување видео претставува „неприфатливо“ ниво на ризик за приватноста и безбедноста на корисниците и канадската влада. Одлуката, која ги одразува сличните иницијативи преземени во Соединетите Држави, а за кои исто така разговара и Европската унија, ја потврдува растечката политичка дистанца меѓу Канада и Кина.
Канадскиот премиер Џастин Трудо на прес-конференција изјави дека владата работи на обезбедување „безбедност на Канаѓаните на интернет“. „Ова може да биде само прв чекор, или може да биде единствениот неопходен чекор“, додаде шефот на владата, осврнувајќи се на мерката преземена против TikTok.
Отстранувањето на апликацијата на кинеската компанија ByteDance од електронските работни уреди „ќе поттикне многу Канаѓани, компании и поединци да размислат за безбедноста на нивните податоци и можеби да направат избор соодветно“, истакна Трудо.
Подготвено од М.Н.
About Author
