01.02.2023 Скопје
Американскиот фармацевтски гигант „Фајзер“ објави дека 2022 година ја имаат завршено со најголем приход откако е основана компанијата, и тоа благодарение на вакцината и лековите против коронавирусот, а истовремено предупредува дека очекува послаб резултат оваа година поради олеснување на инфекциите и залихите.
Приходите на „Фајзер“ во 2022 година пораснале за 23 отсто, односно на 100,3 милијарди долари, за разлика од 2021 година.
Приходите од вакцината против ковид и „Пакскловид“ изнесуваат 56,7 милијарди долари. Нето добивката е зголемена за 43 отсто, на 31,4 милијарди долари.
Во 2023 година, компанијата очекува значително помал приход, во опсег од 67 милијарди до 71 милијарди долари, бидејќи инфекцијата со коронавирусот забавува и многу земји веќе имаат создадено залихи на вакцини и лекови.
Подготвено од М.Н.
About Author
