11.02.2023 Скопје
Министерот за економија Крешник Бектеши не очекува поскапување на струјата од 1 јули годинава. Веќе се прават анализи за промена на начинот на пресметка, додека една од можните мерки е да се продолжи со 10 отсто ДДВ наместо 18 отсто на сметките за струја.
На средбата со медиумите, Бектеши истакна дека во координација со Регулаторната комисија за енергетика, факултетите и другите експерти веќе анализираат некои опции за промена на начинот на пресметување на цената на струјата, согласно капацитетите што ќе ги има во мај и јуни. Исто така, Бектеши е убеден дека сите одлуки ќе бидат во насока на одржување на стандардот на граѓаните и поддршка на малите и средни компании да бидат што поконкурентни, што значи дека од јули не очекува поскапување на струјата.
На прашањето како зголемувањето на ДДВ на 18 проценти од 1 јули ќе се одрази на цената на струјата, Бектеши истакна дека тоа ќе биде одлука што ќе треба да ја разгледаат министерствата за економија и финансии и дека сега нема такви разговори.
Бектеши додаде дека Владата е фокусирана на мерки кои ќе им помогнат на граѓаните, додека една од тие мерки е да продолжи со 10 проценти ДДВ имајќи предвид дека од 1 јули, според производството на ЕМВ и движењето на цените на берзата и подготовката што ја направи државата, ќе има дополнително намалување на цената на струјата.
Подготвено од А.Ѓ.
About Author
